الفرق بين المراجعتين لصفحة: «النمل»
لا ملخص تعديل |
ط ←اخرج منها يا ملعون: إضافة تصنيف |
||
سطر 137: | سطر 137: | ||
[[تصنيف:حيوانات]] |
[[تصنيف:حيوانات]] |
||
[[تصنيف:صفحات للتحقق]] |
المراجعة الحالية بتاريخ 18:25، 6 مارس 2024
![]() |
هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة |
| ||
التصنيف العلمي | ||
---|---|---|
المملكة | الحيوانات | |
الشعبة | المفصليات | |
الصف | الحشرات | |
الرتبة | جندي ملتزم | |
الفصيلة | الأنعام الناطقة | |
الجنس | النمل العربي | |
معلومات عامة | ||
نقاط القوة | لا يبكي ولا يضحك , دؤوب . | |
اشهر نملة في التاريخ | التي قالت ادخلوا مساكنكم لا يحطمنكم سليمان وجنوده . | |
نقاط الضعف | لا يتعظ من شهدائه القتلى . | |
قابليات فريدة | المقاومة بهدوء ومن دون أية تصريحات صاخبة حماسية . |
النمل حيوان كثيرا ما كنت اجد صورته داخل كتاب الاحياء الذي شببت و انا امارس عملية التزاوج لوحدي عليه , و عادة ما يكون موضوعا هناك بحجة ان النمل هو حيوان اجتماعي و تشاهد صورة لمجموعة من النملات تتعاون لصنع جسر عبر نهر بولة عصير الليمون حيث تقوم الباقيات بالعبور فوقه . النمل من الدواب التي تتغير طعمها ونكهتها حسب نوع الآيس كريم او الشاي او العصير التي يكون عادة مغموسا فيها . في اللغة العربية سميت النملة نملة لتنملها وهو كثرة حركتها وقلة قرارها , هناك الكثير من الصفات المشتركة بين الإنسان العربي و النمل فالنمل تقتله بالمئات ، بالآلاف ، بالمليون ، بالبليون ، وهو غير مكترث . تعوق مساره وتسد منافذه وهو غير مكترث ، لا يهتم بالعدوان الخارجي هدفه تعويض الخسائر فورا لمتابعة مهامه . لا تأخذنا أية رحمة في قتل فلول الهاربين ، ومع ذلك فهو لا يفتأ يعاود بهدوء ، ومن دون تحدي ، أو وقوف حدادا على الصرعى . لا بكاء لا صراخ لا نهنهة ما أغربه ! ألا تؤلمه أبدا الضحايا التي تؤلمني أنا، جلادها وسفاحها؟ أنا أساسا لست في دائرة اهتمامه . لا يعبأ بي ولا يرجو مني رجاء ، هو في وشوشته مع خبرائه ، كأن ليس في الوجود سواه ، وهو في مسيرته وانصياعه لجدوله الزمني الأبدي في العمل الذي لا ينتهي .
النملة و الفيل[عدل | عدل المصدر]
تنتشر في المخيلة الشعبية نكت عديدة تجمع نقيضي مملكة الحيوان: النملة المتناهية في الدقة و الفيل المعبر عن الكبر . و لا تعتمد تلك الطرائف على خصائص اجتماعية مفترضة للحيوانين كذكاء الثعلب او غباء الحمار بل تعتمد تلك النكات على عنصر التناقض المضحك لحجمي الحيوانين بحد ذاته من اسلوب لوريل و هاردي وخير مثال يصلح لهذا المقال القصيدة التي وضعها أحمد مطر لوصف العرب و إسرائيل:
النملة قالت للفيل : قم دلكني
ومقابل ذلك ضحكني !
واذا لم اضحك عوضني بالتقبيل وبالتمويل
واذا لم اقنع ... قدم لي كل صباح الف قتيل
ضحك الفيل ؛
فشاطت غضبا :؛
تسخر مني يا برميل
ما المضحك فيما قد قيل ؟
غيري اصغر.. لكن طلبت اكثر مني
غيرك اكبر .. لكن لبى وهو ذليل
اي دليل؟؟
اكبر منك بلاد العرب
!!واصغر مني اسرائيل
مذكرات نملة[عدل | عدل المصدر]
مع الأسف الشديد فاني لم اتفرغ لدراسة السلوك الاجتماعي للنمل كما الح علينا كتاب الأحياء حيث تختصر لفائاتي العزيزة معهم في الحياة الحقيقة بازعاجهم الشديد لاحدى فتحات جسمي يا اخي هسه ميخالف اجتماعي بس يعني لازم يصيرون اجتماعيين بطيز الانسان من يريد ينام ؟ و ثم تنتهي بعد ذلك بشراء رش السلاح الكيمياوي بف باف حلبجة 2007 عليهم. في احد ايام الطفولة عندما كنت زعطوط ممدشن و البراءه تنقط من خشمي قررت ان اعمل بنصيحة كتاب العلوم و ان اراقب النملة . عثرت على نملة عربية همامة متتضيع و شرعت اتابعها باهتمام و هي تذرع الصالة ببطء . ربع ساعة غرفة الجلوس .. نص ساعة المطبخ...ثلاث اربع ساعة الحديقة الخلفية....اخير شي و على مسافة خطوتين بس من الدخول الى وكر النمل الكبير قرب شجرة البرتقال رقم ثلاثة جان يجي عنكبوت كلب ابن كلب و اكلها. احدثت هذه التجربة تغيرا عميقا في نظرتي للحياة تلخص في ضرطة اصدرتها بعد ذلك مباشرة ثم الرجوع الى المنزل لمتابعة دوقفليد ثم التلحف و النوم. ملاحظة : قبل ان تموت النملة ببضع ثوان نظرت الي بقرني استشعارها و قالت :
- النملة: هل انت سليمان ؟
- انا : لا والله....اني دليمي .
- النملة : اوكي...مو مشكلة....هاك هاي مذكراتي ...أرجو منك نشرها بعد سقوط صدام حسين بعشرة ايام قمرية كاملة.
- انا : ليش انتو هم تعرفون أبو الليثين ؟
- النملة : استغفر الله , بعدكم متعرفون معشر البشر صدام حسين عليه السلام شنو هوه بالضبط (كح كح... العبرة ترست النملة من هول الموقف و جرتها بموال مال المرحوم رياض أحمد )
- انا : زين...أوكي.
- النملة: ديله عيني ...اني اروح اموت. باي .
فيما يلي مذكرات النملة كما طلبت مني نشرها حرفيا . و اتجشم ان النهاية غير مفهومة ذلك ان نهايتها على يد الكلب ابن الكلب الرافضي العنكبوت قد منعتها من ذلك .
اخرج منها يا ملعون[عدل | عدل المصدر]
الطبعة الرابعة , مذكرات نملة سوداء مكرودة
المحتويات | |
---|---|
التاريخ | تفاصيل اليوم |
3 اغسطس 2004 | اليوم شفت قطعة سكر بس القطعة كلش جبيرة كلت اروح ال ابن عمي اجيب كونية و اجي و جانت واكعة بالزولية اب منطقة القنفات الحمر زقاق الطبلة ام النفاضة و حاولت أحوسمها ما كدرت ف عفتها و من المدير مالي سمع بالقصة خصملي راتب اسبوع و كلي رجعي اخذيها رجعت لكيت نمل فارسي جبير هناك ......هلووو!!! زوج ال يبقى درت وجي و رأسا رجعت . |
4 اغسطس 2004 | انعزمت بالخطوبة مال بت عمي اب بلوعة المطبخ خوش كعدة والله و شكر و تمن و كشمش و القوزي جان صرصور بس مو هلكد طيب و جانو جايبين بكاية ركصت ركص بحيث عيني طلعت من راسي و و اني هم ذبيت (لحم!!!!) مو طبيعي بحيث عركت اخر شي و ماصارت حوادث بس اكو ابنية فتحت مي البوري و ردنا ننشفط بس الحمدالله عبرت...هااا شغلة لخ أبن عمي طوخ بالشرب و كام يمسلت بحيث كام يتحارش اب صرصر و ايذبله حجي ماصخ بعدين عاد احنا احجينا وية الصرصر كلنالة دخيلك عوفة ترة سكران عاد ذاك (والله طلع شريف) اتفهم الموقف و عافه. |
5 اغسطس 2004 | ما كدرت اروح للدائرة (هااا نسيت اكلكم هية اتداوم موظفة اب شركة بلوعتكم .دوت.نيت مال تصريف اموال و راتبها ورقة ام ال 50 ما تصرفها و انما تتمشى عليها العصريات و ية الكبل) لأنه البوري ما نكّط ف ما كدرت ارتب شعري و ظليت بالبلوعة كاعدة و سويت الغدة (مركة تمناية) |
10 اغسطس 2004 | ما صار شي مهم ( ايباااه مو كونداليزا رايس انتي)!!! |
11 اغسطس 2004 | سمعنا اب بلوعة الجوارين عياط و صياح و عالم دا تتراكض و المختار مال مجاري اجى كلنا لازم اكو شي و فعلا اتوقعنا لان ابو البيت مشتري شحاطة جديدة و بيّن مفعولها خطية مردانة الجوارين بعدها شابة 17 شهر جانت دا تمشي العصر البارحة دا تتسوك من المغسلة و انعلست بالشحاطة وديناها للطب العدلي و دفناها بالحديقة الورة (بصف قنينة غاز حتى نندل وين دافنيها) |
12 اغسطس 2004 | اليوم جان اكو منع تجول بالحمام بس النمل الوطني منتشرين برة لأن اصحاب البيت كلهم طبو يسبحون و بصراحة خفنا كلنا ننطلع خاف ننسحك اب حذاء أو نعال ابو الاصبع (خطية ابن خالة بابا راح اب هيج حادث هيء هيء ) و ظلينا بالبلاليع نتفرج عال دش (برنامج خليك بالبلوعة و البرنامج الخيال العلمي اصطياد الانسان \اموووت عليه\ ) و ما سمعنا حوادث بس مرة وحدة جريدي على اساس طب للحمام تالي طلعت اشاعة لأن جدو ايكول لو طاب جان سمعنا حس عياط بنت ابو البيت. |
13 اغسطس 2004 | حسيت نفسي لاعبة و زوعت عدسايتين رحت للطبيبة كلتلي مبروك,,,, راح اتبيضين اني هم رجعت فرحانة و شغلت اغاني و بديت ريجيم بحيث كلمن يشوفني يكللي اشو ضعفاانة حيييل؟؟(عود أشكد راح ايبين عساس) !!! |
14 اغسطس 2004 | اليوم صارو 3 بيضات عندي بس كلش صغار يمكن راح اخليهن بصف المكناسة ,,بعد ما اعرف |
15 اغسطس 2004 | اليوم ردت اروح فطيسة بس انكتبلي عمر جديد ,,,جنت دا اتمشى يم البانيو طلع ابو البيت اثاري ديغسل,, اتفاجأت جررررب اشو على غفلة لكيت نفسي كدام مغارة ظلمة حييل و اكو حبال طالعة من المغاررة بصراحة الفضول غبلني و كلت افوت فتت اشو ضربني هوة حارر ,,اتعجبت,,, المهم فتت شوية جان اسمع صوت انفجار طرشها ال أذني آآآآتتتتتتتشششششوووووو طلعت اني الثولة فايتة اب خشم ابو البيت بلا ما ادري و اتصور جانت الفتحة اليمنة لان اليسرة لكيت عليها قطعة مكتوب عليها (أعمال تبليط و حفريات) الظاهر منشول و بس تك يشتغل عندة بس هوة هم ما قصر خمطني اب عطسة شمرني ورة الفريزر (44 مترة عن البلوعة) بحيث 3 ايام يللا رجعت ال بيتنا و اول ما وصلت حطيت رجلي ام مي حار (نقطة عرك مال واحد محتر) لكيتها بالعاك كلت شوية انكع رجلي لأن صارلي 3 ايام امشي . ملاحظة اذا شفتو اكو تواريخ ماكو معناها الصفحات ضايعة (يمكن ماسحين الجامات بيها) |
16 اغسطس 2004 |
اليوم الذكرى ال 12 لضحايا دبة النفط اكيد تتذكروها (هاي ترة النملة دا تحجي مو اني,,اني شعلية؟؟؟؟) وكفنا كلنا دقيقة حزنانين و اني كمت ابجي لأن اتذكرت لمن ام البيت جبت النفط على اخوتي الصغار و كتلت من عدنا 47 نفر بس همزين اني لحكت و اشنرين كمامة ضد الكيمياوي و جدو (هم النملة مو اني) دائما ايكول النملة لازم اتخاف من شغلتين منتجات باتا مال الجلود و الدبة أم ال 5 لترات لأن معناها كارثة و جثث |
17 اغسطس 2004 | اليوم انفجعنا اب وفاة نملة من هاي الكبار مو مثلنا الصغار يعني(أحنا نمل بنابين خخخ) خطية على كد حالة عندة محل اصغير (اسواق ) يبيع بي قطع شكر و تمن و عدس و الصبح جان ديتمشة جوة المغسلة دا ايدور على اخوه عباله لازك بالصابونة خطية و جرررب جان ينشفط شفطة كشرة حتى الجثة مالته ما لكيناها و مرتة خطية تبجي و تلطم هاهية شنسوي و اني هم انقهرت مو علمودة (طبة 60 مرض) بس منين راح اشتري تمن و شكرر؟؟ جمالة الزوالي شالوها يعني لازم اتعنّة للمطبخ ,,,صدك حيرة |
18 اغسطس 2004 | اليوم عطلة رحنا للمسبح (كوب بي مي) و سبحنا وراها وكفنا سرة على قطعة مال دهن جانت واكعة و اخذنا همزين اخذت الوصلة و قليت بيها بيضة ( مدا اكدر اتخيل حجم البيضة اللي دا اقليها لهذا مراح اكدر أحشش بعد) |
19 اغسطس 2004 | دا افكر اترك البلوعة و اروح ال بيت اختي بالريف لأن عدهم بيت ترابي بالحديقة الكدام بصراحة جو المدن خنكني و اريد اروح شوية اشتم هوة نقي بس المشكلة شراح ايوصلني؟؟؟ ينرادلي 3 اتشهر يللا اوصل للحديقة ,,,بس حليت المشكلة جلبت بالبوتين ابو الضوة مال ابنهم الصغير و طلعت ويا و وصلت و حذائه فيكة من يمشي ايطلع ضوة دا افكر,,,يصير اسحب من الضوة واير؟؟؟عال اقل ايشغللي بنكة و غسالة!!! |
20 اغسطس 2004 | اليوم شفت صورة للمحيط الهاديء (البانيو ) حييييل شكد مي؟؟؟ هاي الصورة هيج خوفتني لعد اذا من صدك شلووون؟؟مااامماااااا |
25 اغسطس 2004 |
مممم ماكو شي مهم ام البيت كصت شعرها و اكو شعر انذب يمنا بالكاع ,,,,,,,سمينا هاية المنطقة (غابة الاماني) |
28 اغسطس 2004 | دا افكر اروح البيت خالي بالمطبخ لأن خالي عايش بصف ناطحة سحاب (قنينة مال غاز) فد شي كللش كلللشش عالي و كللي اكو مكان يم المنظم ولو غالي بس راح ياخذة احتمال اروحلة اغير جو |
30 اغسطس 2004 | صار عندي تيفو من ورة لحم بكاية مال سوك ف قررت بعد ما جيب معلبات للبيت (للبلوعة)!!! |
1 سبتمبر 2004 | التيفو راح و هسة اني زينة و يمكن راح اتعشة عشة خفيف (هوة) |
2 سبتمبر 2004 | اليوم ماكو شي بس ابن عمي أجر البلوعة ال شركة و العقد مال ايجار وقعو يم مردانة اخذت عمولة أيجار مال شهر و كمع مال صمون حجري |