وحش الطاوه

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

وحش الطاوه قصيده عن الباذنجان , اشتهرت اثناء فترة الحصار الإقتصادي في العراق, وسمّي الباذنجان بوحش الطاوة (اي المقلاة) لانه كان رخيص الثمن و يحتوي على مواد غذائية مفيدة فكثر استعماله كوجبة غذائية في تلك الفترة الاقتصادية الصعبة, والقصيدة أحدى المعلقات الشهيرة.

النص الأدبي

أسودْ سواد الليل، والزلـف أخضر

جسمك جلد روغـــان والريحة عنــبرْ

بالدهن من غطّيـتْ نشّفته كلّــــه

وسعر الدهن يا نــاس ربّالي عـلّـه

‎

يروح السمج والبيض واللحم فدوه

لعينك يبو المركَات يااحلى غــدوه

أسود بعين الناس وبـــــعيني ذهبي

واحد من أهل البيت حسّـبتك إبــني

هم طرشي هم تتكَـلّى هم شيخ محشي

عالتمّن وبالخبز صيــف وشته يـمشي

لو تحجي بيها الناس المعدة كَـالتْ

جيبولي بيتنجان الفركَه طالـــــتْ

شكَد حاول العدوان يفرض حصــاره

مايدري (وحش الليل) سوّالـه جاره

لو تحجي بيها الناس المعدة كَـالتْ

جيبــولي بيتنجان الفركَه طالـــتْ

والدزّك الرحمن للناس رحــــــمة

أتخيّلك طول الليل بالـــطاوه لحمه

معاني الكلمات (لغير العراقيين)

غطيت = اي غطست

ربالي عله = الرب من التربية و العله هي المرض اي ان سعر الدهن الغالي قد انعكس سلبيا على صحته ي فدوه = اي فداءا لك

يبو المركات = اي يا سيد المرق

غدوه = غداء

حسبتك = اي اعتبرتك

تتكلى = قابل للقلي

وحش الليل = تدليع للباذنجان او وحش الطاوه

سواله جاره (بالجيم الفارسية) = اي جعل له حل ا الدزك = ارسلك

الطاوه = المقلاة