عمرو اديب
عمرو اديب ويعرف ايضا بالمهرج الأقرع اعلامي مصري يقدم برنامج القاهرة اليوم من محطة اوربيت المملوكة للامير بندر بن محمد بن سعود الكبير ال سعود . لم يتطرق في برنامجه المملوك للامير السعودي لاي قضية سعودية حتى لو كانت لها علاقة بالمصريين فجميع الصحف ووسائل الاعلام المصرية غطت موضوع الاطباء المصريين الذين يجلدون في السعودية الا محطة عمرو اديب وجميع وسائل الاعلام المصرية وحتى الرسمية منها هاجمت الامير تركي وكلابه التي نهشت باطفال مصر في فنادق مصر الا محطة عمرو اديب في حين لا يترك عمرو اديب فرصة الا ويتهجم فيها على كبار المسئولين والفنانيين والرياضيين في مصر وغالبا ما يكون الهجوم ملفقا ومفبركا . يتسائل المصريون : كيف سيكون موقف السعودية من مصر لو قامت فضائية دريم المصرية الخاصة مثلا ببث برنامج بعنوان لرياض اليوم على غرار القاهرة اليوم تنتقد فيه المسئولين والامراء السعوديين كما يفعل عمرو اديب .وهل تجرؤ محطة العربية مثلا وهي مملوكة لامراء سعوديين وتبث من دبي .ان تبث برنامجا بعنوان دبي اليوم تنتقد فيه شيوخ ابو ظبي ودبي .
|
| |
|---|---|---|
|
عمرو اديب لا هو وطني ولا ثورجي ولا له في المسائل دي خالص .. هو بتاع نفسه.. ومصلحتي فين؟ امشي وراها.. تولع البلد طز .. الفقير ميلاقيش ياكل طزين.. مادام انا بغيّر العربية مع لون الجاكت اللي لابسه .. والملايين بتتستف جنب بعضها رزم رزم في البنك .. ومادام كل مايطلع علينا يحكي لنا عن المطاعم في لبنان اللي ع الجبل ، وياسلام على السلطات والمقبلات .. ولما كنت في باريس وأخر مرة رحت سويسرا وانا لسه راجع من امريكا ورايح بكره السويد .. ودبي على طول في الويك اند.. يبقى لمّا يصرخ ويتنطط زي القرود ويقول انه ميشرفوش يبقى مصري عشان مصر بتنضرب على قفاها من قطر.
عمرو اديب ياجماعة الخير لا له دعوة بمصر ولا له دعوة بالثورة بتاعت 25 يناير .. عمرو اديب هو واخوه عماد لحد قبل يوم 11 فبراير 2011 كان نفسهم ومنى عينهم حسني مبارك يكّمل مدّته .. وطبعا مش حاقول كانوا يتمنوا ان جمال ابنه يجي من بعده.. لأ.. دول كانوا اهم اتنين ومعهم لميس الحديدي زوجة اديب الصغير اللي بيشتغلوا على كده ويمهدوا لكده.. لسبب بسيط جدا بعيد عن مصر تماما اللي عمورة ميشرفوش انه يحمل جنسيتها .. السبب ده المصلحة بتاعتي.. طول مانظام مبارك موجود ومستمر في وجود ابنه ، انا حبقى ميت فل وعشرة.. وفلة شمعة منورة.. يبقى اهاجم النظام ليه مادام مصلحتي حتبقى معاه.. عشان مصر.. طز في مصر.. وانا من امتى يعني كانت تهمني الست مصر .. انا اللي يتجوز امي اقوله ياعمي .. حافظ على مصالحي الشخصية والمليون يبقوا ميه ، اشيلك جّوه عنيه .. وادّلع اهلك.. وسلم لي على مصر.. مصر مين يابا.. مالها مصر.. ماهي زي الفل اهي .. ولو مش زي الفل.. هى يعني كانت من بقية اهلي.. دماغك يابا.. اهم حاجة سلطات المطعم اللبناني ابن الحرام اللي ع الجبل وقعدة محصلتش في الشانزليزيه وامشي بعربيتي في سويسرا على الاسفلت اللي مبيطلعش صوت .
هى دي الدنيا ياعبلة.. مش تقوليلي مصر ياهبلة.. دول شويتين لازم نعملهم لزوم الشو والشغل والمواقع تنقل «عمرو اديب يصرخ على الهواء .؟. ياحكومة وسخة.. ياوزير خارجية بطيخة.. ياللي قطر ضربتكم على قفاكم وسكتوا.. شوفوا بقى المرة الجاية حتعمل فيكم ايه؟»
هههههه.. نفس الضحكة العبيطة من عبد السلام النابلسي.. شردي «السنّيد».... ههههه.. حتعمل ايه ياعمورة؟.. مانت عارف يادرش.. ههههههه والله ما انا عارف.. خلاص تعالى هناك وانا اقولك!!!
اخص ع الرجالة.. لمّا يعملوا رجالة.. وهما في حقيقة الامر.. مش رجالة!