الصراع السني الشيعي السنسكريتي

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

وجهان لعملة واحدة بس الحلاق يختلف

الصراع السني الشيعي السنسكريتي بدأ بين المذهبين السني والشيعي والسوشي من قديم الأزل، يرجع الى مراحل ما قبل الإسلام على يد بعض الدعاة الغلاة اصحاب المولات والمتاجر الدينية للسيطرة الذهنية على شعب الله الحمار من ابناء الاسلإم القديم، حيث وصل الصراع ذروته الى أيام ولادة النبي محمد صل الله عليه وسلم بين ابو سفيان من جهة السنة الفائز مرتين بالميدالية الذهبية في اولمبياد الحبشة وبين ابو هاشم عم النبي (الفائز بالملاكمة على وزن الضفدع في عام الفيل حيث بدأ الصراع عندما مدري منو زارب بالجامع مال ابرهة وابرهة صعدت عندة طك الربع وحط الخمس ترباع ابو القطارة بالجك مجة مال الفيل وكاللهم نروح ندكهم بمكة ونرجع علمود ننطيهم عطوة يجبونة ابو زربة. الويا طبعا خارطين راسا كلوا شتلبس احنة نفصل.

طك الفيل وراح لمكة وجان توهة بادية المباريات، والفوز لبني هاشم بفارق النقاط و بيت امية خسرانين، من اجة ابرهة راسا بيت أمية كالوا بطلنة احنة وتعتبر اللعبة لاغية واحنة طالعين للجبل قبل ما تصير خنين، ابو هاشم طك لابو مسج كلة يابة انلاصت ترة لحكنة عبد المطلب راح على ابرهة كلة شبيك (المهم تعرفون القصة ومن راح للكعبة كال ربي انت عاد دتشوف وتدري). من ذاك اليوم بدة الصراع السني الشيعي واجة النبي والنبي اله مكانة فابو سفيان وابو لهب وبقية سكارى قريش كلوله شتريد فلوس؟ ننطيك فلوس تريد قطعة كاع بالعطيفية لا ولله علمحيط ننطيك اياهة، ابو طالب شاف السالفة مكيسة كله اني احميك. بوكت النبي جانت تعلك عادي وخاصة ورة ما ابو بكر طب لحلف السنة وعلي حلف الشيعة وعمر حلف السنة واكو كم واحد ميدرون شنو السالفة، المهم ما اطول عليكم الصوندة والمي مكطوع مات النبي وعلكت.

الصراع في عصر الخلافة الراشدة

والله حرام ماكو واحد هسة عايش جان يدري شديصير بس عايشين على يكولون هيج صار (طاح حظنة).

الصراع هسة

مثل ما وضحنة قبل ترجع اصول الصراع الى زربة مال واحد يم ابرهة ولهذا اطفالنة يلعبون لعبة (حجي زرب بالجامع) للتذكير بالمصيبة الاولية. حيث ان:

• السنة: يكولون ولله العظيم ماعدنة شي اصلا احنة نحبهم كلهم بس الشيعة كفار ويتمسحون ويزورون ويلطمون واحنة ما عدنة بس نفجر ونقتل.
• الشيعة: يكولون ولله العظيم ما عدنة شي بس همة الصحابة دكوا الناقصة وكالوا هيج.
• السوشي: وهم خليط بين السنة والشيعة ناتج عن تزاوج او صداقة يكولون ولله من طيح الله حظكم شوكت نرتاح ابونة انسمط.
• السنسكريتية: وهم مجموعة من مشايخ هلوكت وكل وكت يحركون الصراع حالما يبرد وياججون النار والدخان حفاظا على مكانتهم امام الجهلة من ابناء الدين الحنيف واستمرار لترافد الاموال عليهم ويعتبرون من المجموعات اكلة اللحوم يكثرون في نهر الامزون والغابات الاستوائية يقتاتون على الحشرات يكولون ولله السنة مو خوش اوادم لان ميحبون ال البيت وبعدين يكولون ولله الشيعة مو خوش اوادم يسبون الصحابة وحرام لا السنة ولا الشيعة يدرون شجان اكو قبل.