الراجل اللى واقف ورا عمر سليمان

الراجل اللى واقف ورا عمر سليمان هو الرجل الواقف فى مكان عجيب اساسا وينظر نظرات زائغة وغاضبة أي بيبص بصات غريبه جدا مش عارف سببها ايه . لمن لا يعرف من هو عمر سليمان , عمر سليمان هو الراجل اللي واقف قدام الراجل اللي واقف ورا عمر سليمان . بعد اتساع شهرة الراجل اللي ورا عمر سليمان ، عمر سليمان غير اسمه إلى الراجل اللي قدام الراجل اللي ورا عمر سليمان . كلنا بنحب الراجل الى ورا عمر سليمان . سوف يظل التاريخ يذكر بكل الفخر هذا الموقف بوقوف الراجل اللى واقف ورا عمر سليمان . الشعب المصري شعب معروف بخفة الدم ولكن الراجل اللي ورا عمر سليمان ما فيش امل انه يبتسم حتى . لقد تشرفنا بمعرفة ال لي ورا عمر سليمان واسمه مقدم أركان حرب حسين شريف قائد المجموعة 64 قتال من القوات الخاصة . في تصريح لعمر سليمان لوكالة الانباء الفرنسية , قال :محدش شاف الراجل اللى كان ورايا ؟ اصل خلصت الكلمتين ملقيتش المحفظه وانا معرفوش اساسا . وفي مقال في جريدة الواشنطن بوست تم الكشف عن ان الراجل اللي ورا عمر سليمان كان له دور كبير في اقناع الفيفا بملف قطر في استضافة المونديال .

إحنا عايزين نقف ورا الراجل اللي واقف ورا عمر سليمان في محنته . الراجل اللى واقف خلف عمر سليمان فى حالة نفسية سيئة جداً لكونه مثار تريقة الشعب المصرى سيادة المقدم نأسف عن هذا الفاصل من المزاح لكن هذه صفات شخصية لشعب مصر ولا يمكن استئصالها فلا تزعل من ابنائك واخوانك وكل الشكر والتقدير لسيادتك نعلم جميعا ان الموقف كان صعبا والكل كان متوترا وملامحك كانت تدل على مدي همك وحزنك وقلقك على وطنك فلك منا كل الحب والود والتقدير ورفع الله شأن مصر بأمثالك من المخلصيين لوطنهم المحزونين لما يصيبه من نكبات وازمات . والكل يعلم أنك يا سيدي قد شاركت في ثلاث حروب واستشهدت في واحدة.