الحجاج بن يوسف الثقفي

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

الحجاج بن يوسف الثقفي

شخصية طالما اثارت اهتمام الباحثين , كان الحجاج طاغوت كبير لا يرحم ودخل التاريخ عن طريق كربلاء - الناصرية ومن اوسع ابوابه وكتب سيرته بالدم في مدينه واسط. الحجاج كان يقول البرتقالة البرتقالة عذبتي وايضا قال ان للشيطان طيفا وان للسلطان سيفا . كان الحجاج سيف بني امية البتار قاتل وقتل وحارب وانتصر كان اسمه يرعب الثوار فتخمد ثورتهم وتصبح ثورة الدجاج مو دجاج عرب لا دجاج مصلحة لانه الحجاج لهم بالمرصاد. كان العراق سببا رئيسيا في آلام مصفعة عبدالملك بن مروان لأنه يومية ثورة بالعراق اي ماكو شغل والبطالة 90%, طكت روحه بن مروان حتى كام من وره العراق والعراقين يدخن جكاير لف وفي رواية اخرى صار مدمن مخدرات. دخل الحجاج على عبدالملك بن مروان وقال مولاي دزني للعراق لا اجفص ابطنهم وانعل والدينهم واكبر طلي اكص لحيتو وقال لحيتو بلهجة صدام حسين حيث ان الحجاج كان متاثر كثيرا بهذا القائد التاريخي , عاد الحجاج جمع الجيش واخذ فلافل من كراج العلاوي طلعوا الفجر على برد الوكت بس اتاخروا جانت الكوستر عايزها نفر واحد الحجاج كال للسايق اخويه اتوكل على الله دربنه ابعيد واريد اوصل من وكت حتى اجفص ابطن العراقين . الحجاج من وصل للعراق استقبلوه العراقين اللي يدخن والي يكرز حب والله يكولون واحد جان يفر بالمدالية برشلونه وهذا السبب بخطبتو المشهوره لان الحجاج كان مدريدي وفي رواية اخرى كان من مشجعي نادي القوة الجوية المهم عاد الحجاج يصيح يا اهل العراق اني ارى رؤسنا قد اينعت وحان الان قطافها واني لقاطفها عليكم وياكاع ترابج كافوري عالساتر هلهل شاجوري انا من نار قلبي يورث التنور وان من حسرات قلبي يترس الشاجور , عليهم اخوتي عليهم هاذه اني وين رحت شنو السالفة وصلت الضلوعية واني ما ادري . نرجع للحجاج عاد العراقين من سمعوا التهديد كلها كامت اتصيح بالروح بالدم نفديك ياحجاج وهذا البحر ماكيش كيش بيه الحجاج والله يطول عمرك الله يخلي الحجاج . الحجاج استلم العراق تكول عبالك حزب البعث واجه زرب بيهم ازراب خيرهم كام من يروح للتواليت , قبل جانت التواليت بالعصر الاموي على شكل حفرة بعمق عشرين متر وبيها مقعد دائري ايطالي كبل عالحفرة خيرهم من يروح للتواليت ياخذ اذن من الحجاج يعني ضبطهم ضبطة من هاي الاوكي وظهرت بالعراق مايسمى بالحجاجية شلون هسه الصدامية قبل بالعراق الحجاجية وازلام الحجاج الحجاج ضرب الكعبة بصواريخ كاتيوشا والامم المتحدة ولا فكت حلكهه لانه جانت امريكا قبل تدعم الحجاج حسب اتفاقية كامب قحافة ابن الاشعث

مصادر

هذه المقالة عبارة عن بذرة تحتاج لإضافة الكثير من الحقائق الموجعة و المضحكة فساهم في إثرائها بالمشاركة في تحريرها.