الحب
![]() |
هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة |
الحب حبيبتي كتير طائفية , اني سني وهي شيعية , اني اسمي عمر من اهل الرمادي وهي فاطمة من الكاظمية , بحصار الفلوجة الادب سز ابد ماسئلت عليه , خابرتها عاتبتها قلت لها ليش يا شيعية يا طائفية , وبكل برود قالت حبك نسيته ومن قلبي محيته , قلت لها ليش شصار نسيتي ايامنا وايام الكلية , قالت انت سني واني شيعية علوية , قلت لها جا احنا ولج مو وحدة اسلامية , جان تقول گوم بييه واخذ البطولة . قلت لها ليش مو انتي شيعية أخلاق و حسن و تربية اسلامية , قالت يا عمر اني مهري عالي , اذا تحبني تحول شيعي وتلطم يومية , قلت لها انتم الشيعة مجموعكم عالي ومعدلكم معدل مجموعة كلية طبية واني مجموعي مايدخلني بس معهد لو ابقه يمكن بالاعدادية . اني سني وأتشرف بيه وما اغيره لو اعرف تصيرين نانسي عجرم , جان اقول لها ليش ماتحولين من شيعية الى سنية , جان بكل رقة تكول تيت تيت تييييييييييييييت وجان بكل حنية اقول لها الكبر لفج يامطية .
![](https://upload.wikimedia.org/wikipedia/commons/thumb/4/43/Pair_of_mandarin_ducks.jpg/250px-Pair_of_mandarin_ducks.jpg)
بعد ربع ساعة من الصمت الاثنين راسهم محني وبالكاع مطوي والخجل من الاثنين مضوي , الاثنين السني عمر والثانية فاطمة الشيعية وقام السني وبكل رقة يحكي , انا اسف جرحتج ياشيعية وبكلامي خسرتج , انا اسفة يا عمر , ياعمري برعونتي خسرتك , جان اكلها اني اسف وانتي اسفة بس المشكلة هي هي اني سني وانتي شيعية وراح نبقه شكل وانتي شكل مثل ما صارت الصلاة شكل وشكل وصار الاذان شكل وشكل وصرنا الإمام شكل وشكل وصار الجامع مسجد وحسينية وراح ابقه وتبقين سني وشيعية . جان تكوم فاطمة والدمعة بعينها والعبرة بصوتها وتكول ياعمر واحنا شعلينه احنا يجمعنا وطن , وشعدنه غيره , عراقنا يجمعنا مثل ماجمع دجلته و فراته , اني دجلة وانت فراته وماكو بعد انت سني واني شيعية , بعد ماكو طائفية , وحبيبتك رجعت الك هدية .
جان اقول لها لعد هيج الفرح رجع للعراق مو خلصنا العمر غصة باثر غصة وچان اگلها حبيبتي ممكن بوسة من هاي الشفايف العسلية جان تقول لي بكل مودة يا مطي يا چلب يا حقير يا كلب ابن السطعش كلب ياسني ياخايس ياسني مسوس ياسني مايفيد بيك لا حشوة مؤقتة ولا حشوة جذري , سني والله غير الشلع مايفيدك يا صرصر يا فارة . وكان اجاوبها بكل حنية ياشيعية ياطلية ياثولة ياجكمة يامجعمرة يامزنجرة يلي وجهج اصفر من اللطم بالقرايات يومية وعيونج حولات من البچي بالكاظمية . ورجعنا نتعارك ورجعنا اني سني وهي شيعية ورجعت حبيبتي بعد انكز من قبل رجعت طائفية وهنيالك ياعراق الف هنيالك حتى الحب بيك صار مذهب وطائفية وقبل ماتسال عن أخلاقها اسال هي سنية لو شيعية .
حبيبتي سمر
مامتعود احجي عن خصوصياتي بس بعد صرنه اهل اليوم احجيلكم عن حبيبتي سمر , اه من الحب شكد صعب حب هو حرفين بس كل حرف الحاء حمار والباء بعير صدفة اتعرفت عليها صدفة ورب صدفة خير من الف وخمسمية ميعاد , من اول يوم وعيني لم ترمش ابدا دائما مفتوحة . كنت ظلها ارافقها حيثما ذهبت كنت يومية اوصلها بسيارتي الى كليتها كل يوم . اجي الصبح اخذها من بيتها الى كليتها يومية اليوم اللي ماشوفها اموت وانتحر , بس هي من تشوفني يصير عدها مغص ما اعرف ليش مغص قوي فقمت اشوفها ونتواعد بالتواليت هي تقعد على المقعد الغربي تعصر مغص كولش قوي واني احكي عن احلامنا . اني وياها وهي طيط طيط مغص مو طبيعي من تشوفني انا اقول لها اثاث البيت نشتريه سوية على ذوقنه وهي طيط طيط مغص عالي , اقول لها بالليل نسهر نفتح شمعة ونضحك ونسولف وهي طيططططططططططططططط يعني مغص كافر وفد يوم خابرتني وقالت اني نجحت اتخرجت من الكلية واني طرت من الفرح وكمت اغني وحياة قلبي وافراحوه ماشفت فرحان بالدنيا زي الفرحان بنجاحوه وبعد كالت الى هنا وكافي احنا لازم نفترق إنساني إنساني . وسدت التلفون الموبايل .
سقطت السماعة من يدي من هول الصدمة حسيت ان الأرض توقفت عن الدوران وانا ادور ادور لا اسمع شئ سوى طوط طوط طوط صوت سماعه التليفون وانا واقف بين النار و الماء مذهولا حوالي عشر ساعات واكف مصدوم . وره ماصحيت من الصدمة رحت الى التواليت اقضي حاجتي وره ماخلصت التواليت سحبت السيفون ورجعت يم التليفون وسقطت على الأرض اغماء واجتي الاطفائية واخذتني الى المستشفى وهناك حطولي مغذي وفحصني الطبيب وقال بواسير لانه من الصدمة شقت المحروس مالتي وصار بواسير . طلعت من المستشفى ورحت الى سمر اسئل ما الخبر ياسمر لماذا , فقالت وهي تعلج علك بوبي وكالت حمودي اسمع اني كنت وياك على مود السيارة مالتك من جنت اتوصلني الى الكلية لانه ماحصلت خط سيارة نقل كيا فقلت اشوفلي مغفل من الشباب اضحك عليه ومن اخلص الكلية اضربه بوري . واني ساكت لم اقول شئ من الصدمة طلعت شلون زوج تحفة واني اكول سمر وجها قمر طلع وجها صخل وشعرها قمل وقلبها غدر وافعالها افعال فيلق بدر ليش ليش هيج وياحسافة ياغدار إنجرحت بافعالك نسيت ان الزمن دوار وباجر تضحك عليك الاقدار وباجر تجي تتوسل نرجع مثل الاول .
مصدر
- كتابات حمودي العراقي , مواليد مستشفى العلوية للولادة .