الحب

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

الحب حبيبتي حيل طائفية , اني سني وهي شيعية , اني اسمي عمر من اهل الرمادي وهي فاطمة من الكاظمية , بحصار الفلوجة الادب سز ابد ماسئلت عليه , خابرتها عاتبتها كتلها ليش ياشيعية ياطائفية وبكل برود كالت حبك نسيته ومن كلبي محيته , كتلها ليش شصار نسيتي ايامنا وايام الكلية , كالت انت سني واني شيعية علوية , كتلها جا احنا ولج مو وحدة اسلامية جان تكول كوم بييه واخذ البطولة . كتلها ليش مو انتي شيعية اخلاق وحسن وتربية اسلامية , كالت ياعمر اني مهري عالي ونيشاني غالي , كتلها اذا مهرج روحي اضحي بيها واذا نيشانج عيوني الج هدية , اني سني واخلاقي زادي وما اقيمج بالذهب انما اقيم الذهب بيج , جان تكول ادا تحبني مهري ونيشاني تحول شيعي وتلطم يومية , كتلها انتم الشيعة مجموعكم عالي ومعدلكم معدل مجموعة طبية واني مجموعي مايدخلني بس معهد لو ابقه يمكن بالاعدادية . اني سني واتشرف بيه وما اغيره لو اعرف تصيرين نانسي عجرم , جان اكلها ليش ماتحولين من شيعية الى سنية , جان بكل رقة تكول تيت تيت تييييييييييييييت وجان بكل حنية اكلها الكبر لفج يامطية .

بعد ربع ساعة من الصمت الاثنين راسهم محني وبالكاع مطوي والخجل من الاثنين مضوي , الاثنين السني عمر والثانية فاطمة الشيعية وكام السني وبكل رقة يحجي , انا اسف جرحتج ياشيعية وبكلامي خسرتج , انا اسفة ياعمر ياعمري برعونتي خسرتك جان اكلها اني اسف وانتي اسفة بس المشكلة هي هي اني سني وانتي شيعية وراح نبقه شكل وانتي شكل مثل ما صارت الصلاة شكل وشكل وصار الاذان شكل وشكل وصرنا الامام شكل وشكل وصار الجامع مسجد وحسينية وراح ابقه وتبقين سني وشيعية. جان تكوم فاطمة والدمعة بعينها والعبرة بصوتها وتكول ياعمر واحنا شعلينه احنا يجمعنا وطن , كتلها واليد ترجف العراق , جان تكول وشعدنه غيره وجان اشوف الدمعة صارت على خدودها نهر وجاوبتها لا والله ماعدنه غيره , جان تكول عراقنا يجمعنا مثل ماجمع دجلته وفراته , اني دجلة وانت فراته وماكو بعد انت سني واني شيعية , بعد ماكو طائفية , وحبيبتك رجعت الك هدية .

جان اكلها لعد هيج الفرح رجع للعراق مو خلصنا العمر غصة باثر غصة وجان اكلها حبيبتي ممكن بوسة من هاي الشفايف العسلية جان تكلي بكل مودة يا مطي ياجلب ياحقير يا كلب ابن السطعاش كلب ياسني ياخايس ياسني مسوس ياسني مايفيد بيك لا حشوة مؤقتة ولا حشوة جذري , سني والله غير الشلع مايفيدك يا صرصر يا فارة وجان اجاوبها بكل حنية ياشيعية ياطلية ياثولة ياجكمة يامجعمرة يامزنجرة يلي وجهج اصفر من اللطم بالقرايات يومية وعيونج حولات من البجي بالكاظمية ورجعنا نتعارك ورجعنا اني سني وهي شيعية ورجعت حبيبتي بعد انكس من قبل رجعت طائفية وهنيالك ياعراق الف هنيالك حتى الحب بيك صار مذهب وطائفية وقبل ماتسال عن اخلاقها اسال هي سنية لو شيعية.

حبيبتي سمر

مامتعود احجي عن خصوصياتي بس بعد صرنه اهل اليوم احجيلكم عن حبيبتي سمر , اه من الحب شكد صعب حب هو حرفين بس كل حرف الحاء حمار والباء بعير صدفة اتعرفت عليها صدفة وربى صدفة خيرا من الف وخمسمية ميعاد من اول يوم وعيني لم ترمش ابدا دائما مفتوحة . كنت ظلها ارافقها حيثما ذهبت كنت يومية اوصلها بسيارتي الى كليتها كل يوم . اجي الصبح اخذها من بيتها الى كليتها يوميه اليوم الي ماشوفها اموت وانتحر , بس هي من تشوفني يصير عدها مغص ما اعرف ليش مغص قوي فكمت اشوفها ونتواعد بالتواليت هي تكعد على المقعد الغربي تعصر مغص كولش قوي واني احجي عن احلامنا . اني وياها وهي طيط طيط مغص مو طبيعي من تشوفني انا اكولها اثاث البيت نشتريه سوية على ذوقنه وهي طيط طيط مغص عالي , واكولها بالليل نسهر نفتح شمعة ونضحك ونسولف وهي طيططططططططططططططط يعني مغص كافر وفد يوم خابرتني وكالت اني نجحت اتخرجت من الكلية واني طرت من الفرح وكمت اغني وحياة قلبي وافراحوه ماشفت فرحان بالدنيا زي الفرحان بنجاحوه وبعد كالت الى هنا وكافي احنا لازم نفترق انساني انساني . وسدت التلفون الموبايل .

سقطت السماعة من يدي من هول الصدمة حسيت ان الارض توقفت عن الدوران وانا ادور ادور لا اسمع شئ سوى طوط طوط طوط صوت سماعه التلفون وانا واقف بين النار والماء مذهولا حوالي عشر ساعات واكف مصدوم. وره ماصحيت من الصدمة رحت الى التواليت اقضي حاجتي وره ماخلصت التواليت سحبت السيفون ورجعت يم التليفون وسقطت على الارض اغماء واجتي الاطفائية واخذتني الى المستشفى وهناك حطولي مغذي وفحصني الطبيب وقال بواسير لانه من الصدمة مال انساني انساني شكت المحروس مالتي وصار بواسير. طلعت من المستشفى ورحت الى سمر اسئل ما الخبر ياسمر لماذا , فقالت وهي تعلج علج بوبي وكالت حمودي اسمع اني جنت وياك على مود السيارة مالتك من جنت اتوصلني الى الكلية لانه ماحصلت خط سيارة نقل كيا فكلت اشوفلي زوج من الازواج الشباب اضحك عليه ومن اخلص الكلية اضربه بوري . واني ساكت لم اقول شئ من الصدمة طلعت شلون زوج تحفة واني اكول سمر وجها قمر طلع وجها صخل وشعرها كمل وقلبها غدر وافعالها افعال فيلق بدر ليش ليش هيج وياحسافة ياغدار إنجرحت القلب بافعالك نسيت ان الزمن دوار وباجر تضحك عليك الاقدار وباجر تجي تتوسل نرجع مثل الاول .

مصدر

• كتابات حمودي العراقي , مواليد مستشفى العلوية للولادة .

هذه المقالة عبارة عن بذرة تحتاج لإضافة الكثير من الحقائق الموجعة و المضحكة فساهم في إثرائها بالمشاركة في تحريرها.