منتخب البرتغال لكرة القدم

هذه المقالة تحتوي على نكات قد لايفهمها غير السعودي لفهم النكات عليك بطلب فتوى بتحليل النكتة من الشيخ ابن باز

منتخب البرتغال لكرة القدم

معلومات عامة
أسم الدلع	فريق البرتقالة
المدرب	لويس فليب سكولاري
الهيئة المشرفة	جمعية التدخل المبكر للاطفال ذوي الأحتياجات الخاصة.
الكابتن	كوستينها
اكثر من حمل شارة الكابتن	لويس فيغو
الإنجازات
أعظم إنجاز	التعادل 1 - 1 مع نادي السالمية الكويتي [1]
أسوء إنجاز	المركز الثالث في كأس العالم 1966
لاعبون مشهورون
لويس فيغو	وافق على الإنتقال الى نادي الاتحاد السعودي
روي كوستا	لعب 12 سنة في ايطاليا إلا انه كان يكره البيتزا
كرستيانو رونالدو	ضرب المهاجم العراقي يونس محمود بالكوع في دورة الألعاب الأولمبية بأثينا 2004
ديكو	من اصل برازيلي تسبب في اول خسارة للبرازيل امام البرتغال منذ عام 1966

منتخب البرتغال لكرة القدم جزء هام من المجتمع البرتغالي تشرف عليه جمعية التدخل المبكر للاطفال ذوي الأحتياجات الخاصة بالتعاون مع وزارة الشئون الرياضية وتشمل نشاطات المنتخب بالإضافة الى تمثيل البرتغال رسميا في مسابقات كرة القدم الكثير من الفعاليات مثل النقش على الحنا والرسم على الوجوه وكذلك تلوين الشعر والركوب على الحمير ويعتبر المنتخب وقف لوجه الله تعالى والقائمين عليه متطوعين لدعم وتثقيف عائلات الأطفال ذوي الإحتياجات الخاصة و تقديم الخبرة والمعلومات في مجال اضطرابات النطق واللغة والتأكيد على طرق الوقاية منها، والكشف المبكر عنها . للإنظمام الى المنتخب البرتغالي يجب ان تتميز بالتأتأة و التأخر اللغوي و الحبسة الكلامية . من منا لا يرى المنتخب البرتغالي ولا يردد كلمة الله يستر، أو كلمة مسكين أو إيماءات كلها تنطق بما نشعره اتجاه هذه المجموعة التي حرمت شيئا ربما يبدو للعديد انه شيء عادي ولكنه الفوز بكأس العالم الذي حرموا منه وكأس الأمم الأوروبية الذي حرموا منه ايضا , هل فكرنا يوما في نفسية هذا المعاق وهل نظراتنا أو إيماءاتنا أو كلماتنا تخلف أثرا سلبيا على نفسيته، وهل شفقتنا لصالحه، أم تدمره وتؤثر على معنوياته؟ كيف نتعامل معه؟ وما هو دور الاتحاد الدولي لكرة القدم والمجتمع في هذا الأمر؟ الأسئلة عديدة وكثيرة . أكيد أن كل شخص يعانى من ضغوط أو اضطرابات نفسية، أو حتى علة جسدية ستنعكس بالضرورة على تصرفاته و سلوكه , لنحافظ على نفسية المنتخب البرتقالي يجب عدم الخجل من انتمائه للأسرة الكروية والتعامل معه بصبر واحتساب وطلب الأجر من الله في الإحسان إليه , و تجنب الاستهزاء به أو إظهار التذمر منه أو معاملته بقسوة وإهماله.

لقد نصحنا نونو غوميس التريث و عدم التسرع في قرار اللعب في الكالشيو أو في أي دوري في مستوى الكالشيو كالإنجليزي و الإسباني إلا أن نونو غوميس خالف نصائحئنا و ذلك بالإنضمام لنادي فيورنتينا الإيطالي ما جعل جماهير النادي تستاء من إدارة النادي و من صفقاتها المتخمة بالمشاكل المادية و الشخصية . أما بالنسبة لباوليتا فقد ظهر ان له علاقة غرامية بفتاة تدعى صالحة من السعودية حيث أصرت الفتاة أن تهاجر مع أهلها لدولة أوروبية وتعرس على أوروبي عقابا لمساطيل حارتها انهم جرحوا فيها هي وأخواتها المسطولات , قرر أبو صالحة انهم يهاجرون للبرتغال ووافقت صالحة وامها وراحوا هناك , بعد ما استقرت العائلة راحت صالحة لأمها وابوها وقالت لهم ابي اعرس على برتغالي زين أقهر ماجدونا واللي معه اخليهم يندمون ويعرفون يجرحون فينا مرتـن ثانية , راحت أم صالحه وطلعت دليل تليفون ودقت على الخطابه ام حمد دخلوا في السواليف ام صالحه وام حمد وصالحه تسمع من التليفون اللي في الصاله شالت صالحه الميوت وقالت لأمها سكري الخط تكفين والله ما وراتس رجل لا من البرتغال ولا من غيره انا بكلم ام حمد.

• صالحه : يا أم حمد منيب مطوله عليك .. انا في البرتغال الحين وابيتس تدورين لي اطخم واحد في هالبلد وتراها مهيب بعيدتن عن المغرب اللي خطبتي وحدتن منهم لأيوب ولد جارتنا أم سليمان .
• الخطابه : والله يا صالحه انتس غاليتن علي واتمنى لتس الرجال السنع مثل بنتي سميره .. لكن هالبلد اللي انتم فيها ما ظنيت اني اعرف خطابة هناك لكن هذا الدليل في يدي اذكر ان فيه 9 خطابات عزيزات علي في أوروبا بشوفهن وأرد عليك .

بعد 41 ساعة من تقفيلة السماعة

• الخطابه : هلا والله بصالحه والله يا لقيت لك خطابتن سنعه في البرتغال يقالها أم ريكاردو تعطينها الطلبية اليوم بعد 24 ساعة تعطيك كل المعلومات اللي تبينها عن الرجال اللي طلبتيه .
• صالحه : زيييين زيييين الله يبشرتس بالخير يا أم حمد بسكر الحين وارسليلي عنوان أم ريكاردو على الفاكس تكفين .دقت صالحه على أم ريكاردو وردت عليها على طول مساء الخير سيده أم ريكاردو .
• أم ريكاردو : مساء النور والسرور يا هلا وغلا .. مرحبا ألف .
• صالحه : هلا فيتس .. كيف الحال عسى كل شئ على مايرام ؟ .
• أم ريكاردو : والله بخير وبصحة وعافيه .. ولا نسأل الا عنكم .
• صالحه : طيب وش اخبار ريكاردو وين وصل في الدراسة ؟
• أم ريكاردو : أقول انجزي ترى مانيب رايقتن لتس خربت الأخلاق
• صالحه : طيب طيب هدي اعصابتس الا زعلتس .. اجل منيب مطوله عليك بس حبيت اسلم على حضرتك واقولك ابي اتزوج واحدن زين .
• أم ريكاردو : عطيني المواصفات اللي تبينها بسرعه عندي شغل .
• صالحه : أبد مابي مواصفات بس ابي واحد يقولون له هذا برتغالي .. واذا كان اطخم مثل نونو غوميز و رزه مثل فيقو وجسم مثل روي كوستا وعنده قروش و قصر و مرسيدس و يكون قبيلي .. اذا عنده هالمواصفات ما عندي مانع ترى .
• أم ريكاردو : الاخت من وين من السعودية ؟؟
• صالحه : هو هو هو .. وش دراتس الله يرج عدوك ؟؟ .. لا تصير أم حمد قايلتلتس شي عني ؟؟
• أم ريكاردو : لا والله من هالشروط يالعنزه .. والله لو ان عندي مصنع رجاجيل ما قدرت اطلع لتس هالرجال .

ابو صالحه وباوليتا في المجلس

• باوليتا : يابو صالحه ترانا طولنا وام صالحه وصالحه ما بعد دخلوا عشان نتعرف على بعض ونتفق .

• ابو صالحه : اقول اقطع واخس ما بقى الا هي بعد بوديك الصاله تشوفها وتشوفك على السنه وامك بوديها لأم صالحه يتعرفون على بعض هذي عاداتنا وتقاليدنا منتب ماشين عليها الباب ياسع بعير

• باوليتا : لا وش دعوه خلاص زلة لسان يابو صالحه وافلقني ان عدتها ثانيه ترى أول واحد في تاريخ أوروبا وأمريكا الشماليه والجنوبيه يروح يخطب ويعرس على بنت ما قد حتسى معها انا وانا ماسويت تسذا الا اني شاري بنتكم ويشرفني اني اناسبكم .

• ابو صالحه : لا يكثر .. ووين تبون نحط العرس فيه ؟؟

• باوليتا : هذي يبيلها سؤال بعد .. فيه كنيسه كبيره ووش زينها في تقاطع شارع لويس السابع عشر مع شارع حريملاء ويقولك فيها قسيس كل دخلوا اثنين وكتبوا كتابهم قالهم علي الطلاق العشاء عندي .

• ابو صالحه : أيا دزليل الحيا المواصيل وصلت بك انك تدخلنا كنايس ؟؟ .. قم قم اطلع برى بيتنا لابوك لابو تسلب يالصليبي

• باوليتا : لا خلاص خلاص ما يحتاج لا كنيسه ولا قسيس سووا العرس في بيتكم وخلاص .

• ابو صالحه : ايه زين خلاص بدخلك الحين في الصاله عند صالحه . صالحه وباوليتا في الصاله بعد ما سلموا وتعرفوا على بعض .

• صالحه : العرس ما يبيله شي الرجال في المجلس اللي كنتوا فيه قبل شوي والحريم في الصاله هنا وبعدين نبي نسوي زفه ونبي نعلم الحريم من قبل عشان يتغطون وفيه طقاقات نبي نوصي عليهن من بلدنا وحده يقالها الملحوقه والثانيه الشيخه المقلعه .

• باوليتا : ونعم والله بالثنتين كلهن سمعت انهم يرجون البيت رج وأشكالهن تشجع للطق المهم ما علينا منهم انا ...

دخل ابو صالحه عليهم : اقول انت يالاجنبي ما ودك تنسدح بعد وتكملون سواليف قم يالله ضف وجهك انت وابوك وامك . اعرسوا صالحه وباوليتا وراحوا فندقهم ونامو في أمان الله وأرسلتلهم أم صالحه مفطح ومرقوق وجريش على قدهم فتح الباب باوليتا ولقى الأكل عند الباب راح وجدعه في الزباله يحسب ان فيه قطوه فاتحته و ماكله من القدر المهم راحوا لمطعم برتغالي ويوم شافت صالحه الأكل وذاقته استفرغت راح باوليتا هالعليمي ووداها المستشفى يحسبها حامل وسطرته الدكتوره تقول اهنا حرمه تحمل وماكملت يوم مع رجلها ؟ المهم رجعوا لفندقهم وعقب ما ريحوا جاء أعز أصدقاء باوليتا وهو ممثل يسمونه لويس فرنانديز المهم تحابوا وبارك لويس لباوليتا وقاله منك المال ومنك العيال وتستاهل والله .

باوليتا راح لصالحه قالها ابيك تكشخين وتصلحين عصير وتجيبينه لي انا ولويس فرنانديز تراه ممثل مشهووور كود تعجبينه ويختارك تمثلين معه .

• صالحه : خير خير ان شاء الله تبيني افتش لواحد لا اعرفه ولا اقربله ولا شي ؟؟

• باوليتا : اقول انتي يالمسطوله شفتيني ضعيف قبل لا تاخذيني لا تحسبيني كذا بتدخلين عليه وانتي كاشفه وحركات الدلع خليها عن ابيتس هالشايب الغثيث يالله قدامي .

• صالحه : طيب

المهم دخلت صالحه وسلمت على لويس الممثل خوي باوليتا ويوم رجعت لغرفتها دار الحوار التالي بين لويس وباوليتا :

• لويس : وااااااااااااو والله يا مرتك تنفع للتمثيل بعد مستعد اعطيها دور بطوله في فلمي الجاي بس عطني الإشاره الخضراء .

• باوليتا : قدااااام يا شيخ بس وش بتعطيها دور ؟

• لويس : فلمي الجاي بصير انا غني وزوجتي غنيه بعدين بتصير بيني وبين شغالتي علاقه عاطفيه ووو .... الخ ...... يعني يمكن مرتك تمسك دور الشغاله .

• باوليتا : يارجال حطها لو سواق بس اهم شي اشتهر انا ويقولون هذا رجل الممثله السنمائيه صالحه .

راح باوليتا و كلم صالحه عن الموضوع ..

• صالحه : ههههههههههه شكلك تحب الاستهبال يا بوبو . المهم امش خل نطلع بس .

• باوليتا : لا ما استهبل الا صدق بروح اقوله اننا موافقين بس كم نطلب منه تكفين ؟

• صالحه : اقول يا باوليتا من جدك انت ؟؟ . انت اخبر مني بأفلامكم واللي يصير فيها الحين تبيني العب دور عاطفي وبطل الفلم يحبني ؟؟ لا بالله كدينا خير .

• باوليتا : طيب وش المشكله ؟؟ مادامك انتي تحبيني خلاص لو تسوين معه ما تسوين ما يضر مادام الحب في القلب .

• صالحه : لالالالا تمثيل مانيب ممثله ولا والله لا أعلم أبوي .

• باوليتا : ابوك وامك رجعوا لبلدهم بعد ما زوجوك وخلصوا منك الحين انتي تحت ذمتي وبتمثلين يعني بتمثلين الله لا يعوق بشر بس .

رجع باوليتا لبيته عند اهله ويوم استقروا طلعت صالحه عندهم في الصاله هاشتها ام باوليتا قالتلها خير ان شاء الله وش هالجلال اللي حاطته على راسك عسى ما شر ؟؟

• صالحه : اقول فتشت وقلنا معليش لكن تبيني اشيل جلالي لا ما تشوفين هالهيس أخو الودر رجلي منبطح فيذا ؟؟

• أم باوليتا : هههههههههههههههههه يا حبيلك بس ابشرك اليوم نبي نروح نسهر في استراحة عمة العيال أم سيماو وفيه سباحه ورقص وشرب خرابيطكم ذي مخلينها لكم .

• صالحه : لا لا لا لا لا لا لا لا لا لا لا لا ..... يممماااااااااه

• أم صالحه : بسم الله عليتس يا بنيتي وراتس تزاعقين . تعوذي من ابليس واشربي مأ

• صالحه : ويني فيه يمه ويني فيه لا لا طلقوووني من باوليتا ما ابيه ما ابيييه خلاص انا موافقه على صالح ولد خالتي والله ان ظفره يسوى باوليتا واهله ويبيعهم