شيخ محشي

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

شيخ محشي عبارة عن أكلة عراقية حاقدة طائفية تحتاج الى كيلو غرام واحد من الباذنجان ونصف كوب رز . انتم تعرفون ان علماء الدين وأئمة جوامع السنة نسميهم شيخ وانتم تسمون الشيخ مالتنه محشي ليش ماتسموه سيد محشي او مله محشي يعني إلا شيخ محشي . يعني من دخلوا الامريكان كاموا يسمون الحرامي علي بابا , الشيعة كلها اعترضت وكالت ليش ماتكولون عمر بابا يعني هاي ميخالف بس على شيخنا تكولون شيخ محشي . شوفوا تره والله وانتم تعرفون اني حمودي اشهر من تبسي الدجاج , اذا تحشون شيخنا وتسوه شيخ محشي اني احشي السيد مالتكم واني اعرف اسوي شيخ محشي .

البارحة شلون شيخ محشي سويت , اسمعي ام عباس و يا ام علاوي جبيت الباذنجان وحفرته هواي كلت بلكت يطلع نفط واستفاد المهم سويت الخلطة عبارة تمن (رز) نوع عدس وكشمش نوع كرفس وبصل نوع خيار تعروزي وشويه بهارات كركم مال اسمنت الرمادي وشويه لامندوزي نوع حامض الكبريتيك وخليتله ملح نوع الملح والزاد لا غزر ولا فاد خلاني العزيز وطلب لجوء بالسويد . المهم شلون طلع يخبل حتى ابو الجهال كال الله يخبل الا اجازيج اليوم بالليل من نلعب الخلوة الشرعية كال كل محشي سويتيه انطيج بيها خلوة شرعية واني همزين سويتله 70 وحده محشية وبالليل لعبنه وصل خطيه الى 69 وتعب كتله يمعود بقت وحدة , اعصر منا مناك وخلصنه عاد بالكوه كمل 70 خلوة شرعية وبعدين نام واني رحت خابرت زوجي السابق اسولف وياه.

ذكرت جمعيه طباخين العالم ومركز صيانة مرقة الباميا والمركز المتخصص بجراحة البرياني وجامعة السمك المسكوف ان طبخ نسوان السنة احلى واطيب بكثير من طبخ نسوان الشيعة , الله يستر من طبخهن وقال الشيف رمزي والشيف اسامة ان السبب في ذلك هو ان يد نسوان السنه تخر عسل وسكر و زبيب بينما يد نسوان الشيعة تخر تيزاب ومحلول برمنغنات البوتاسيوم وحامض الكبريتيك المركز وقامت جهة متخصصة باخد عينه من جدر تمن طبختها ام علاوي وعينةة من تمن جدر ام عمر وتم نشر النتائج

• تمن ام عمر مسترخي ويذوب بالفم تكول زلابية.
• تمن ام علاوي كرزات يتكرز التمن محبب كل حباية عبالك حباية باراسيتول

بعد ظهور النتائج سارعت نسوان الشيعة من اهالي السماوة ونيو ناصرية ستي بالظهور في مضاهرات صاخبة كل وحدة شايلة على راسها جدر شكبره وبجيبها خواشيك وتصيح تعالوا ضوكوا المركة مالتي صح الباميا مطوفه بالمركة بس مو بسببي انما بسبب قوة الطرد المركزي وتقول خاله شمالكم اذا الضغط الخارجي زاد على الضغط الداخلي بويه والعباس اطك النفاخة . اما نسوان السنة في الفلوجة فخرجوا وفتحوا بوفيه مفتوح ميز ابيض واطباق من مالذ وطاب والشوكة على اليسار والسكين على اليمين يعني بوفيه ملكي اسطوري التمن زلابية والمركة لوحة زيتية والمقبلات بلابل تغرد .

مصدر

• كتابات حمودي العراقي , مواليد مستشفى العلوية للولادة.