البرلمان الأردني

البرلمان الأردني انتخبوا مرشحكم جهمان المناسفة , المؤهلات اللي عنده كثيرة , ابن عشيرة والكل بحبه رغم التكشيرة , ناصح وقعدته متربع تملأ الحصيرة , ورغم انه ثالث ابتدائي راسب ، لكنه ذكي وبهبشها هبش صغيرة أو كبيرة . الحكومة راضية عنه وهو راضي عنها وببصم بصم وسجله الأمني تمام وماخذ من المخابرات أحلى ختم , عمره ما طلع بمظاهرة ولا بعمره قال لنظام لأ مجاهرة , مدعوم وبشتري الصوت بخمسين نيرة , عشرة تنطح عشرة واللي بده أكثر بزيده نيرة . يا حكومة شو هالمسخرة , بتحاربي شراء الأصوات وانتي جبتي العسكر والأموات اللي في المقبرة تا يصوتوا على الزبال والحفرتلي والزيات والطبرة . يا حكومة مثل ما انتي بكون الشعب وصوت المواطن بخمسين وانتي بديتي النصب ولحد ما تفهمي شو هية الحرية و الديمقراطية جيبي قطاط وتشلاب (كلاب) تحكمنا ولا تحتشي (تحكي) ولا تجيبي لهالموضوع سيرة .

اوعدك اذا فزت المره هاي بالانتخابات سوف اعمل على تحرير الارض من التحرير وامنع السواح العرصات خاصة اليهود ما يدخلوا البتراء وساقفل مواسير الماء اللي جاي من مستنقعات طبريا وامنع ظاهرة التسمم الجماعي وسوف اعفي الاخوان الفلسطينيين من دفع الخاوات على الجسر وساسمح لهم بالدخول الى مضاربنا ببلاش خاصة ابو العبد ساستدعيه واعزمه على منسف . احنا شعب منحب نحمل الشهادة مشان يجتشونا وما عمرنا حملنا شهاده مشان الابداع ابوي وابوك واخوي اخوك بالبلاد بقولوا يكثر خير هالحكومه ولولاها ما اكلنا خبز وما شربنا شخاخ ولاد عمنا انا وانت والكل بالبلاد من العباد عارفين وفاهمين انه النائب لا بمون ولا بشور وقاعده داخل قاعة البرلمان مثل عامل الببور (بابور الطحين) لا بهش ولا بنش وهمه الاول والوحيد راتب الف ليره وسيارة شبح .

مصدر

• صلاح المومني , الانتخابات النيابية في الأردن

هذه المقالة عبارة عن بذرة تحتاج لإضافة الكثير من الحقائق الموجعة و المضحكة فساهم في إثرائها بالمشاركة في تحريرها.