الأبراج

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

الأبراج فيما يلي برج حظك الواقف و الطايح لهذا اليوم وكل يوم يا أيها الساكن في الوطن العربي من المحيط الى الخليج :

• برج السرطان لو تطلع روحك ماتتحقق احلامك ولا طموحاتك ولا امنياتك يا اثول يا غبي شلون تنسه باب الثلاجة مفتوح مو هذا يأثر على الماطور مال الثلاجة يا اغبر , تدرين بيش الماطور مال الثلاجة هسه صار بسعر الموتور غير تنتبه من تفتح الثلاجة و طلع منها الجثث المقطوعه الراس الي نشوفها بالشارع والتي قتلت بطريق الخطأ سبحان اللي مايخطى .
• برج الدلو مايفيدك لا تحاول لا الحبة السوداء ولا الحبة الزرقاء ولا حبوب الفياغرا امورك داجة انت شاب بالصورة بس شايب بالغرفة فطريقك مسدود مسدود وطاقتك مفقود مفقود مفقود ياولدي وحبيبتك ياولدي ماتشبع طركاعة حبيبتك يمعود طلكها واتزوج وحدة عمرها 75 سنه كلشي ماتريد منك بس دوه السكر و الضغط و زيت الخروع اخاف قبض يصير عدها عليش مدوخ روحك طلكها خلي تولي ماتشبع .
• برج القوس انت عاطفي بس بيتكم بمنطقة شعبية ومجاريكم طافحة والماي مايصعد الى تانكيكم و صابونتكم مو دوف الالماني الاصلي بس انت عاطفي جدا بس الارضية مالت بيتكم مو كاشي صبه وماعدكم مولدة كهرباء والجو حار والناس من الحر طافرة روحها بس شنو انت عاطفي والحكومة الجديدة ماعدها نية تصلح الكهرباء بس انت عاطفي خلي تفيدك الرومانسية.
• برج الثور اذا انت ولد مبروك حامل والولادة راح تصير سهلة جدا اما اذا ابنيه اسف نتائج التحليل تكول مو حامل واصلا ماكو امل تصيرين حامل احتمال زوجك راح يطلكك بيوم السعد الاربعاء والنفقة راح يدزها بيد ابن عمته ابو علي من يخلص دوام ان شاء الله هو يخلص 12 الظهر يعني الطريق ساعة ان شاء الله وحدة ونص هو يمج بحيل الله تحياتي .
• برج العقرب هذا برج العزيزة الغالية الطيبة الوفية ان شاء الله ماتشوفين خير ولا تشوفين فلم السهرة مال الخميس لانه قلبك قاسي ويانه واني سيد اشور وسري باتع وسهامي قتالة اصلا اني مبيد حشري فتاك الصرصر اسويه معدنوس .

مصدر

• كتابات حمودي العراقي , مواليد مستشفى العلوية للولادة