الأبراج

هذه المقالة تحتوي على نكات قد لايفهمها غير العراقي لفهم النكات عليك بالمشاركة بالإنتخابات للتصويت على 6969 من التحالفات السياسية المتنافسة

الأبراج فيما يلي برج حظك الواقف و الطايح لهذا اليوم وكل يوم يا أيها المواطن الساكن في الوطن العربي من المحيط الى الخليج :

• برج السرطان لو تطلع روحك ماتتحقق احلامك ولا طموحاتك ولا امنياتك يا اثول يا غبي شلون تنسه باب الثلاجة مفتوح مو هذا يأثر على الماطور مال الثلاجة يا اغبر , تدري بيش الماطور مال الثلاجة هسه صار بسعر الموتور غير تنتبه من تفتح الثلاجة و طلع منها الجثث المقطوعه الراس الي نشوفها بالشارع والتي قتلت بطريق الخطأ سبحان اللي مايخطى .
• برج الدلو مايفيدك لا تحاول لا الحبة السوداء ولا الحبة الزرقاء ولا حبوب الفياغرا امورك داچة انت شاب بالصورة بس شايب بالغرفة فطريقك مسدود مسدود وطاقتك مفقود مفقود مفقود ياولدي وحبيبتك ياولدي ماتشبع طرگاعة حبيبتك يمعود طلگها واتزوج وحدة عمرها 75 سنه كلشي ماتريد منك بس دوه السكر و الضغط و زيت الخروع اخاف قبض يصير عدها عليش مدوخ روحك طلگها خلي تولي ماتشبع .
• برج القوس انت عاطفي بس بيتكم بمنطقة شعبية ومجاريكم طافحة والماي مايصعد الى تانكيكم و صابونتكم مو دوف الالماني الاصلي بس انت عاطفي جدا بس الارضية مالت بيتكم مو كاشي صبة وماعدكم مولدة كهرباء والجو حار والناس من الحر طافرة روحها بس شنو انت عاطفي والحكومة الجديدة ماعدها نية تصلح الكهرباء بس انت عاطفي خلي تفيدك الرومانسية.
• برج الثور اذا انت ولد مبروك حامل والولادة راح تصير سهلة جدا اما اذا ابنية آسف نتائج التحليل تگول مو حامل واصلا ماكو امل تصيرين حامل احتمال زوجك راح يطلكك بيوم السعد الاربعاء والنفقة راح يدزها بيد ابن عمته ابو علي من يخلص دوام ان شاء الله هو يخلص 12 الظهر يعني الطريق ساعة ان شاء الله وحدة ونص هو يمج بحيل الله تحياتي .
• برج العقرب هذا برج العزيزة الغالية الطيبة الوفية ان شاء الله ماتشوفين خير ولا تشوفين فلم السهرة مال الخميس لانه قلبك قاسي ويانه وآني سيد اشور وسري باتع وسهامي قتالة اصلا اني مبيد حشري فتاك الصرصر اسويه معدنوس .

لا زال بيننا حمير يعتقدون ان الرئيس الامريكي هو الذي دمر اعلى ناطحتي سحاب في امريكا , ليش ؟ قال : حتى تكون له حجة باعلان الحرب على العرب والاسلام ويحتل العراق ولكم يا شخاخين , هل تحتاج امريكا او اسرائيل الى حجة لمهاجمة العرب واحتلال العراق وغير العراق وحتى لو احتاجت الى حجة فهل تعتقدون ان المواطن الامريكي بهذا الرخص حتى يقوم رئيسه بتدمير اعلى ناطحتي سحاب على رؤوس الالاف من مواطنيه , لماذا ؟ حتى يعتقل صدام ويعدمه , الا تعلمون يا بقر ان المواطن الامريكي العادي قادر على جرجرة اتخن شنب في امريكا بما في ذلك الرئيس الامريكي نفسه امام المحاكم الامريكية ولن يتكلف اكثر من ثلاثمائة دولار هي رسوم تسجيل الدعوى , اي خراي على هيك تحليل .