نانسي عجرم (فنانة)

نانسي عجرم فنانة من لبنان , ولدت في السنة الثانية من الحرب العراقية الايرانية وبالتحديد بيوم الهجوم العراقي على الشوش وديزفول والمحمرة حيث هجم الجنود بالقنادر على الايرانين بالوقت الذي كان الايرانين يتفرجون الحلقه رقم 14587 من المسلسل المكسيكي المدبلج الى اللغة الهيروغليفية من قناة ابو ظبي الفظائية في هذا اليوم انولدت نانسي عجرم من رحم امها لعد من وين غير من رحم امها , اني متاكد من رحم امها طلعت . طلعت وجاءت عن طريق الولادة القيصرية في مستشفى السماوة الذي يقع بالحي الصناعي يم البنجرجي ابو كويظم ابن سيد قنينة وره ما انولدت نانسي اجه ابوها اجر تاكسي ورجعوا للبيت نانسي وامها وابوها وابو التاكسي بقه بالمستشفى يسوي تحليل ادرار يريد يشوف البول مالته ليش بيه زفرة بينما بول جوارينهم بيه عطر شانيل رقم خمسة . من وصلوا للبيت عاد ابوها فتح الباب ودخلوا للبيت وياسبحان الله ياسبحان الله من دخلوا للبيت صاروا داخل البيت ام نانسي وهيبة بنت سيد دقلة جانت ضايجة هي تريد ولد يشبه وائل كفوري بس الله رزقها ابنيه تشبه صديقة الملاية وزوجها كال ان شاء الله على الولادة الجايه الله يرزقج بولد يا ام نانسي .

طفولة نانسي

كانت طفولة نانسي صعبه جانت تعيش في بيت صغير غرفةة وحده ومطبخ واربعين تواليت عشرين غربي وعشرين شرقي وتواليت واحد خارجي للخطار وكانت عائلة نانسي فقيرة جدا الاب جان يشتغل بالعلوة مال الركي والام جانت تشتغل خبازة بالقصر الجمهوري بس نانسي من جانت اصغيره تحب الغناء وخاصتنا بالاعياد الوطنيةة مثل عيد ميلاد صدام حسين او مناسبه اول كحة لصدام حسين او مناسبه طهور صدام حسين او مناسبه انتصارات عراق في حرب غزوة تبوك وحرب راس الخيمة وحرب البسوس بقياده صدام حسين وكانت من تغني السماوة كلها توكف تك رجل لان صوتها مغري ودلوعه ومن تنحط بالبلوعه تصير فريش وريحتها ترد الروح وابد ماتطفح المجاري بيها

لمحات من حياة نانسي

في احد ايام كانت ناسي كاعده بالبيت بالمطبخ تحديدا تلكط عدس حتى تسوي حلاوة شعرية وتستمع الى احد برامج التلفزيون ابو 24 بوصة وجان توكف البرامج وطلع المذيع ليذيع خبر مهم وهو ان امريكا قررت ضرب العراق واحتلاله ومن شده خوف المذيع ظرط المذيع وجان نانسي كاعده وبهاي اللحظات طلعت فكرة اغنية انت ايه مش كفايه حرام عليك انت ايه وكالت اشارك بهاي الاغنية في مهرجان الاغنية العربية الذي سوف يقام في بيت جوارين مدير شركة الصناعات الخفيفة في دارفور.

كانت نانسي تحتاج واسطة قوية من احد المطربين العملاقة الذين تركوا اثر ومن غيره يترك اثر وهو العملاق ابو خالد المطرب الكبير سعدي الحلي فراحت ناسي الى سعدي تسئله الواسطة ولكن سعدي الحلي رفض المساعدة وقال انه يكتشف فقط المطربين ولكن حين شاهد جمال ناسي قال لها اكول اخوج عنده رغبة يغني احنا بالخدمة ولكن نانسي رجعت الى البيت زعلانة وحتى نست تنطي الاجرة الى التاكسي اللي رجعت بيه مما ادى الى انتحار صاحب الباص او المصلحة رقم 99 خط العامرية الكاظمية وجلست نانسي بالبيتونة تحديدا تفكر في حل الى ان وصلت الى ... نكمل القصة لاحقا