مستخدم:ابوالحسن

يا عم انت وهو عامليلنا دوشة جامدة عشان نقرا مقالات الموسوعه ..خلاص قريناها يا سيدى وفهمنا سكتها رايحة فين بس فكرتها جامدة جدا وهتخلينا نكتب كل حاجة باحتراف ومسخرة صريحة المقال بقه عشان نخلص السادة الاشراف هم اهم ناس ادلعو على حس جدهم وبقالهم 14قرن كل ما حد يكلمهم يجرو على شجرة النسب ويقولو :احنا ضحايا وشهداء والمجتمع بيتآمر علينا عشان الخلافة اللى احنا هناخدها غصب عن عين اى حد وافتح يا عم كتب الحديث وبص كويس هتلاقى كل حاجة بتاعتنا الارض وما تحتها وعشان كده ماينفعش حد من آل البيت ياخد صدقات او مساعدات او شئ من هذا القبيل او الهبيل .. ونص بناتهم عوانس عشان لازم النطفة تكون من جوة البيت ابو أساس قديم وضعيف وما يعرفوش يعيشو غير فى جيتوهات صغيرة يعنى لازم اولاد الحسن يحبو بعض اكتر من ولاد الحسين من باب انا واخويا على ابن عمى وانا وابن عمى ع الغريب وفيه بلاد كاملة فى جنوب مصر تبدا بالاشراف ومنها البحرية والقبلية والعسلية والمقلية

العسلية على فكرة اسم بجد مش تهييس وهى عاصمة قرية الاشراف الغربية التابعه لمركز قنا والناس في القرية دى عايشين ع الكفاف بعد ماكانو متمرغين فى عز زراعة الطماطم لحد نهاية التسعينات لكن الزراعه دى دلوقتى تلفت تماما بسبب سياسات وزارة الرزراعه المصرية اللى شيطت ارض الاشراف الغربية بالكبريت المغشوش المسرطن فابتعد عنها تجار الطماطم الجملة