الفرق بين المراجعتين لصفحة: «مثقف»

صحيح فيه نخبة طيبة عندها [[كرامة]] ومحترمة حالها ضابة خيرها شرها وحاسة ان المجال مش مجالها لكن اللي شفته واللي عشته نخب اكثر مافيها قليلة ادب تطفل بلاوي جايه طبب في زمان مطين لحد الركب ونخب النخب في [[صحة]] شعبنا اللي هان وانتكب نخب عالطلب لكل من في [[مرحاض|الحمام]] غنى انطرب وكل في منامه انشعر وكتب وكل من في راسه يطلع رواية ومين غيره يبقى عميد الادب مجموعة دكاكين اشى ملتقى واشى مجموعة واشي منتدى شبهة واذى . نخب [[سياسة|مسيسة]] وملمعة بزيت الفصائل غرورة وظاهرة في الصورة مكركبة [[ضحك|مضحكة]] وما الها ضرورة . شوية سقايط همايط وناس [[سخرية|مسخرة]] . شامي ومغربي تلملموا في مبعرة , كل واحد عنده قناعة انه درويش زمانه والثقافة ملهاش وجود من غير [[غباء|عبقريته]] وكيانه وتلاقيهم بيحبوش بعض ولايعطوا قيمة وقعداتهم دايما كره ونميمة , لا عندهم قيم [[رجولة]] ولا مروءة وفاء ان [[الموت|مات]] صاحبهم صباحا نسوه في المساء . هدفهم هلامي وهمهم الاضواء عند الصور يتجمعوا وكانه مولد و [[عارضة الأزياء|عرض ازياء]] وعند اللزوم يتفرقوا [[الخروف|مااااء ..مااااء.. مااااء]] وكأن الجمع ياحلو ماراح ولا جاء .

ولحد هان خذوا فنجان [[مقهى|قهوة]] بالحب وحب الهان وترحموا على ناجي العلي [[حنظلة]] وروح الشهيد غسان وساق الله يا [[محمد الماغوط|ماغوط]] , كاسك يا وطن هاي ياجماعة مثقفين اخر زمن .