الفرق بين المراجعتين لصفحة: «قوم عاد»

و فيه فئة أكثر تخلفاً ؛ طَشُّونا بنظريتهم إللى بتقول إن قوم عاد هم من سكنوا [[مصر]] لفترة ؛ بنوا فيها الأهرام و طفشوا و فى قول آخر و خلعوا قبل ما ي[[موت]] منهم واحد , ما هو إحنا ما لقيناش و لا حتى جثة وحيدة لواحد منهم .و كعادة أصحاب [[حسام سويلم|نظريات التخلف]] فى كل زمان و مكان ؛ إنه يتحفك بنظريته المتخلفة بدون لا فرضيات و لا مفردات و لا أدلة و لا براهين , و يكفى إنه يقول لك إنه جاله [[ملائكة|طيف]] فى المنام لابس [[العدم|أبيض فى أبيض]] و له أربع رجلين و ديل و ودان طويلة, و عمل ودانه مَبوَّلة و دلدق له فيها الكلمتين دول .

 

 

طيب؛ نستبعد حكاية الكائنات الفضائية دول و نشوف حكاية قوم عاد إللى طلعوا لنا زى [[الشرطة|الدِمِّل فى القفا]] . طيب قوم عاد دول جُم لنا من أنهى داهية ؟!! طيب؛ راحوا فى أنهى [[نيلة|داهية]] ؟!! , طيب؛ ما فيش منهم واحد [[الموت|مات]] نشوف جثته و نشوف طوله و عرضه إللى قالوا لنا عليه و إنهم من ضخامتهم كانوا بياكلوا [[الأطفال|عيال صُغَيَّرَة]] ؟ , هل ما لقيناش وَلَّا جثة لواحد منهم بسبب سِلو الجماعة بتوع قوم عاد فى إن جثة الواحد منهم كانت بتتبخر بعد [[موت]]ه أو إنهم كانوا بياكلوا جثة إللى يموت منهم حتتك بتتك بلحمه و شحمه و عضمه و هدومه كمان ؟ وَلَّا كانت عاداتهم إنهم يحرقوا جثة إللى كان بيموت منهم بجاز وسخ علشان يوَلَّع و يِشَعلِل بسرعة ؟!! , طيب ؛ ما شوفناش أى أثر لهباب حرق الجثث و لا هباب حرق الجاز الوسخ !! بس للأمانة [[علوم|العلمية]] إحنا شامين النهاردة ريحة حرق الجاز الوسخ إللى شغَّالة بيه مواتير أمخاخ [[صناعة المشايخ|جهابزة التخلف إياهم]] .