مستخدم مجهول
لا يوجد ملخص تحرير
لا ملخص تعديل |
لا ملخص تعديل |
||
سطر 23:
كان يا ما كان في قديم الزمان من جان الرسيفر بـ 5 دنانير ونص و من جان [[الجمل|البعير]] همر و من جان الصمون ينباع فلس جان اكو حاتة اسمها سندريلا خوش حاتة أصيلة و علمودها غنة حسام الأغنية مال العكربة ,المهم جان عدها [[أم|مرة أب]] كلش خبيثة و جانت تشتغل وية [[امريكا|الأمريكان]] مترجمة و ابوها جان خطية يبيع قوايش مبردات حجم 1100 و أحيانا يبيع شخاط فلّ خوش ازلمة جان مال أول و جانوا الكل سايكين على سندريلا خطية روحي سوي الجوزة مال مولد فصلت , روحي اوكفي سرة عالغاز , روحي لسهام العبيدي اشتري [[قندرة|شحاطات]] ال خواتج (اللي همة جانوا 3 خوات بس من غير أب هم خبيثات للهامة) , روحي شلعي الشتايكر مال السطح و رجعيه مرة لخ , روحي جيبي لفات فلافل مشي , روحي بدلي الدهن مال [[الكهرباء في العراق|المولدة]] . الاقصى كامت أتفحّط و هاي خطية جانت كلش حبابة و تروح ولا تفتح حلكها بس من جواها جان التقسيم مشتغل , المهم إلى أن يوم من الايام جانت داتصعد مي ابجليكان ابو ال 20 (المي ضعيف و الماطور ما ايصعد لان ماكو [[كهرباء]]) لكت بالطرمة فانوس بس شنوو مزنجر و عتيك عبالك جان بدوائر الدولة و اتحوسم جتي عليه فركته و جرررب كام يطلع دخان سندريلا انرعصت و ازبهّلت و رجعت خطوتين للخلف بسبب المفاجأة حتى انركعت بالدنكة (مع انه ما جان اكو دنكة) و كالت :هاي شنو [[العالم]] حتى هنا ايحركون زبل و تايرات ؟؟؟ شنو هال دخان هذا ؟الدخان شوية شوية اتحول إلى [[مركوب جني|جني]] لابس دريس مال برشلونة و بوتين اديداس وسوار ذهب و حاط معطر freedom for men و كللها:-
* شبيك لبيك عبدك بين يديك أنا الجني رامي من العرصات شتريدين اسويلج بس عال سريع لأن [[الأم|ماما]] دكتلي مسكول لازم ارجع .
* عمو جني أريد كهرباء [[العراق|وطني]] 24 ساعة ممكن ؟
* ولج بابة هوة آني ساحب واير 5 أمبير من مولد للفانوس شلون اجيبلج الج وطني 24 ساعة ؟ شنو جني لو وزير [[الكهرباء]] ؟
* زين عمو عمو أريد قنينة مال غاز متروسة لأن معوزين و كلش .....
| |||