دعاء

الدعاء هي عبادة تقوم على سؤال مواطن يرنو إلي السماء عادة متضرعاً إلي الله بصوت خاشع متهدج نابع من قلب يئن .

اللهم أنك لا تمهل ولا تهمل دعاء الخروج للخلاء رايح فين يا أوستاذ ؟ داخل التواليت تواليت إيه يا أوستاذ ؛ إسمه الخلاء خلاء إيه يا عم؛ هو أنا داخل صحرا ؟ دي حتة متر في متر بين أربع حيطان وسقف هو خلاء .. ده لو عاوز تدخل خلاء خلاء ؛ عديني أدخل إسمها الخروج للخلاء خروج إيه بس؛ أنا بره وعاوز أدخل جوه؛ يبقي خروج إزاي ؟! ماشي يا سيدى عاوز أخرج للخلاء بتاعك هي زريبة من غير بواب ؟ حافظ دعاء الخروج للخلاء ؟ يا عم الله يسترك أنا علي الآخر وعلي وش فضيحة مالناش فيه .. حافظ؛ حا تسمّع وتدخل مش حافظ خلاص .. خود الدعاء مكتوب أهوه .. قوله بنطق ولسان سليم وخَلِّى بالك من التشكيل وسمّعني بصوت عالي يا عم أنا مش شايف قدامي .. أبوس إيدك .. سيبنى أدخل أو أخرج أو أتنَيِّل على عينى .. أرجوك أنا داخل علي فضيحة خلاص حا أساعدك .. قول ورايا خلااااااص أهي نزلت يا خويا وإتفضحت ومش عاوز أدخل ولا أخرج؛ الله يحرق أمثالك .. فيه مغسلة قُرَيِّبَة من هنا ؟ حافظ دعاء الغسيل ؟