الفرق بين المراجعتين لصفحة: «موظف مصري»

'''موظف مصري ''' يبدأ اليوم كالعادة الساعة 7 ونص بالمشي لموقف الميكروباص ومافيش [[ممنوع|مانع]] في السكة تعدي عربية [[بتاع]] عيل من دور عيالك راجع من سهرة انس ويقوم [[بول|مطرطش]] على هدومك ، وطبعا لا هو هيعتذر ولا انت هتتنفس احسن يقولك القول المأثور انت مش عارف انا ابن مين ، المهم هتمشي جنب الحيط عشان تلحق الشغل ، هتروح موقف الميكروباصات وتلحق مكان بس البيه السواق لازم يفطر ويشرب الشاي وحجرين المعسل [[تفاح]] ولو اتكلمت هيقولك القول المأثور اللى مستعجل ياخد تاكسي ، هتتضطر تسكت عشان تلحق الشغل وكمان لان الزحمة في الميكروباصات والاوتوبيسات أكبر دليل على تلاحم قوى الشعب العاملة ، المهم هتوصل الشغل متأخر خمس دقايق هتلاقى موظف مالوش لزمة كل وظيفته انه يمسك دفتر الحضور والانصراف يكلمك كلمتين مالهومش لزمة، هتسمعهم عشان اليوم مايضيعش .