مستخدم مجهول
ط
إسترجاع المقال حتى أخر تعديل من قبل Classic 971
(Removing all content from page) |
imported>Classic 971 ط (إسترجاع المقال حتى أخر تعديل من قبل Classic 971) |
||
سطر 1:
[[صورة:remote_control.jpg|left|200px|]]
'''الريموت كونترول''' من لما تعلمت الحكي وأنا مفكر انو [[العرب]] هني أكتر عالم متثقفين ب[[العالم|الدنيا]], يعني ما حدا بيغلبنا لا بفكر ولا بهندسة ولا حتى ب[[كرة القدم]] , من شي أسبوع أو سنة أو عمر ما بتذكر بالضبط , صابتني حالة [[ملل]] فظيعة ما عرفت شو بدي ساوي , [[التعليم|دراسة]] وخلصت وشغل ما عندي , قلت لحالي يا رجل فتح ه[[التلفزيون]] على قناة عربية ما زالك عمتحن للوطن الحبيب , مسكت الريمونت كونترول والعياذ ب[[الله]] . أنا كوني مثقف خزات [[العين]] وكوني من هالجيل اللي نسي وجود [[الكتاب]] والنوادي الثقافية المملة بوجهة نظر جيلي العتيد, استعنت بالله و قررت بلش بالقنوات [[ لبنان|اللبنانية]] على اساس انو هي أحسن القنوات ومن أحلاها.
أول محطة رحبت بعقليتي المثقفة هي [[قناة أل بي سي]] وكانوا مطلعين برنامج أسمو يمكن نجوم الأكاديمي على [[ستار أكاديمي]] , المهم هاد البرنامج يا مرحومين البي شغل شباب يعني من عمري وعمر ه[[مراهق|الشباب الكتير موديرن]] , فكرة هالبرنامج انو يختاروا أكمن شب وصبية حتى يساووهن فنانين , قال ناقص [[الوطن العربي]] , وطريقة الفوز هي عن طريق تصويت الجمهور , للي ما بيعرف هاد [[التلفزيون]] هو محاكاة لحياة المشتركين 24 ساعة ما بيتركوهن وحتى وهني نايمين , وخود على سفاهات و تفاهات غصباً عنك بدك تتحملها من مجموعة هالشباب والصبايا ومن أصواتهن اللي بتكشش البدن واللمس والهمس والغمز و[[الحب]] والإشاعات بقصد ومن غير قصد.
==قناة المستقبل==
قلت لحالي لك يا حبيب [[القلب]] شو بدك بهالقناة غيرها وشيلها وإذ [[قناة المستقبل]] تحتضنني بأخبارها وبرامجها, مات [[الحريري]] , قام الحريري , الحريري باني [[لبنان]] العظيم , تسقط [[المعارضة]] , النظام الامني الاستخباراتي السابق , ومصاري كب على جولات [[الحريري الابن]] حول [[العالم]] حتى يعرف مين قتل أبوه , ما منلحق نخلص من اخبار هالغر حتى نحظى برؤية معلمو , هه بين [[جنبلاط]] عالمستقبل ومثل عادتو ما بيغير الاسطوانة هالأيام, اضربوا [[سوريا]] , [[بشار الأسد|نظام الأسد]] وريف [[دمشق]] , فتنة [[شيعة|شيعية]] - [[سنة|سنية]] , [[إسرائيل]] مو هي [[العدو]] , لك أنو منشان الله !! شو منشان ؟؟ أنو يعني كلو نوح وبكي وبعد شوي بدو يحطوا [[موسيقى]] حزينة ؟ صار الحريري اللي مات أهم من [[لبنان]] كلو لك واستغفر [[الله]] أهم من الخالق بعد شوي .
==الفضائية السورية==
خيو ما إلي إلا قناة بلدي الحبيب حابب شوف [[سوريا]] , نفسي ومنى عيني انو افتح شي مرة على [[المحطة الفضائية السورية]] وما شوف تنين عميلغوا مع بعض , لك ما ضل واحد [[بالعالم]] إلا ما استضافوا حتى جارتنا عمشه ما سلمت منهن , أنو بيوقفوا حدا ب[[راس الدربونة|الشارع]] المهم انو يحكي اللي المذيع بدو ياه , و كتير من الأحيان المذيع بياخد جميع أدوار ه[[المسرحية]] , لك ونفس الوجوه بعدة برامج ؟؟ عندك مثلا برنامج مدارات مرة المذيع عميسأل : ما رأيك في الحكومة [[لبنان|اللبنانية]] الساقطة الغير شرعية العميلة المنحطة ؟ يجيب الضيف : إن حكومة [[السنيورة]] هي حكومة ساقطة غير شرعية عميلة منحطة . المتصل : أنا أقول أن حكومة السنيورة هي حكومة ساقطة غير شرعية عميلة منحطة . ولي على حظي اي شو [[ببغاء|ببغاءات]] وعمتحكي ؟؟ لك ولا شي انو بينقد أوضاع البلد .
==قنوات الخليج==
[[صورة:remote_control_1.jpg|left|250px|]]
مسكت هالريمونت كونترول ويا مهون عالقنوات الخليجية , عاش [[الملك]] , ساوا الشيخ , فات تحمم الأمير , أسعار أسهم , مال ..... مال ... يا وبلاه ! مصيبتي اني [[فقير]] و ما عندي قدرة افهم عليهون شو عم يخبصو , قلت لحالي بلكي منشوف الاخبار على محطاتنا الإخبارية فحطيت على [[فضائية العربية]] , عفواً لتسميتها بذلك فهي كالمتعارف عليها قناة [[العبرية]] , سبحانك يا الله ولا خبر عمينقد [[السعودية]] , السعودية هي الآلهة عندها و[[سوريا]] هي الهدف الأول , طبعاً انو يعني المحطة بدها رضى السعودية و[[السعودية]] بدها رضى [[أمريكا]] وأمريكا بدها رضى [[إسرائيل]] , كل خبر سيئ أو حتى إشاعة هو خبر عاجل على العربية , بتذكر بحرب أيلول على [[لبنان]] كل أخبار إسرائيل وجيشها من تحركات وصور جنود كانت تنعرض على العربية قبل حتى يمكن ما تنعرض على المحطات الإسرائيلية , هني اللي بالمحطة بيقولوا أنو هالشي لل[[السبق الصحفي|سبق الصحفي]] , طيب أخبار المقاومة مانها سبق صحفي ؟؟ قلبت ع[[الجزيرة]] , هالمحطة هلئ صارت بعيون [[العرب]] المحطة الأولى عربياً إخباريا, بس تاع نتذكر ماضي هالمحطة كيف كان , أول [[اليهود|يهودي]] بقناة [[عربية]] كان بهالمحطة بعدين كرمال [[الله]] [[الإتجاه المعاكس|برنامج الاتجاه المعاكس]] هاد برنامج ؟؟ يعني تنين [[ديك|ديوك]] وببلشوا بعض بالمسبات .
==القنوات الدينية==
مال إلي غير انو ارجع [[الله|لربي]] , [[النورسات]] أو التيلي لوميير , شغلتهن بهالقناة بتحط [[العقل]] بالكف وبيخلوك تكفر رسمي إذا [[مسيحية|مسيحي]] , أول مرة بحياتي بشوف خوري أو [[قسيس]] واقف مقابيل [[غسالة]] ومبلش بدل أبانا الذي في السماوات يقول :أبانا شكراً لأنك خليتنا نستخدم الغسالة ..... أنو [[الله]] بعت الكاتالوج يعني ؟؟ منجي ل[[قناة اقرأ]] انو [[اسلام|الدين الإسلامي]] مليان تعاليم ومحطات استفهام , بس هالمحطة شي جنان , خليت الدنيا من هيك أمور وبلشت بأمور [[الزواج]] والنكاح و[[الطلاق]] والخيانة و كل شي لازم يخليك تشمئز . بعرف انو لعيت كتير بس يا أخي آخرتوا هالريمونت كونترول رح تكون ب[[الزبالة]] , يلعنو شو بيجيب وجع للراس وبهدلة لل[[عرب]] .
==مصدر==
* الريمونت كونترول , بقلم المغترب السوري لوغو LOGO
[[تصنيف:تكنلوجيا]]
[[en:Remote control]]
| |||