الأزهر الشريف
جامعة الازهر
فى سنة 1961 صدر قانون تطوير الازهر اللى نظم المعاهد الدينيه، و الدراسات العاليه فى كلياته التلاته: اصول الدين، و الشريعة، و اللغه العربيه. و بمقتضى القانون ده اتعملت كليات جامعيه مدنيه جنب التلت كليات الدينيه.
بيتبع الازهر معاهد ابتدائيه و اعداديه و ثانويه. وبييجى لجامعة الازهر طلاب من برا مصر من دول كتيره عشان يدرسوا.
الازهر، زائد انه جامعه، مؤسسه دينيه مهمه، وشيخ الازهر منصب مهم جدا فى الحكومه المصريه و بيعينه رئيس الدوله المصريه. فى الوقت الحالى، شيخ الازهر هو فضيلة الإمام الأكبر احمد محمد الطيب. الازهر كجامع بيتبع وزارة الأوقاف مش مشيخة الازهر، و مقر الجامعه فى مدينة نصر و الدراسه.
من اشهر شيوخ الازهر
حسونة بن عبد الله النواوى، (1909)، و محمد مصطفى المراغى (1928 - 1930) و (1935 - 1945)، و مصطفى عبد الرازق (1945 - 1947)، و محمود شلتوت (1958 - 1963)، و محمد سيد طنطاوى (1996-2010). شيخ الازهر الحالى هو الدكتور احمد محمد الطيب.
الأزهر الشريف | |
الأزهر أول مسجد جامع أنشئ في القاهرة |